*******************************************
സപ്തംബര് രണ്ടാം വാരം ജി.സി.സിയിലെ പ്രവാസി മലയാളികളായ എഴുത്തുകാരെ പങ്കെടുപ്പിച്ച് കേരളീയ സമാജം സാഹിത്യ അക്കാദമിയുടെ സഹകരണത്തോടെ നടത്തുന്ന സാഹിത്യക്യാമ്പിന്റെ സംഘാടക സമിതി ഓഫീസ് ഇന്ന് രാത്രി എട്ടിന് ഉദ്ഘാടനം ചെയ്യും.
ക്യാമ്പില് 100ഓളം പേര് പങ്കെടുക്കമെന്ന് പ്രതീക്ഷിക്കുന്നു. എം മുകുന്ദനാണ് ക്യാമ്പ് ഡയറക്ടര്. സാഹിത്യ അക്കാദമി ഭാരവാഹികളായ പുരുഷന് കടലുണ്ടി, പ്രഭാവര്മ എന്നിവരും കഥാകൃത്ത് കെ.ആര് മീര, നിരൂപകന് ഡോ. കെ.എസ് രവികുമാര് എന്നിവരും പങ്കെടുക്കും. നോവല്, കഥ മേഖലകളെ അടിസ്ഥാനമാക്കിയുള്ള ക്യാമ്പില് മറ്റ് സാഹിത്യവിഷയങ്ങളും ചര്ച്ച ചെയ്യും. ഗള്ഫ് മേഖലയില് തന്നെ സാഹിത്യ അക്കാദമിയുടെ സഹകരണത്തോടെ നടക്കുന്ന ആദ്യ സാഹിത്യ ക്യാമ്പാണിത്.
ക്യാമ്പില് എഴുതപ്പെടുന്ന രചനകള് സമാജം സോവനീര് ആയി പ്രസിദ്ധീകരിക്കും. പങ്കാളികളുടെ പ്രസിദ്ധീകരണയോഗ്യമായ കൃതികള് സാഹിത്യ അക്കാദമിക്ക് കൈമാറും. അക്കാദമി തയാറാക്കിയ സിലബസിന്റെ അടിസ്ഥാനത്തിലാണ് ക്യാമ്പിന് രൂപം നല്കിയിരിക്കുന്നത്. മറ്റ് ജി.സി.സി രാജ്യങ്ങളില് നിന്ന് പങ്കെടുക്കുന്നവര്ക്കുള്ള ക്രമീകരണങ്ങള് സംഘാടക സമിതി ഏര്പ്പെടുത്തും. കേരള തനിമ വിളിച്ചോതുന്ന സാംസ്കാരിക പരിപാടികളുമുണ്ട്.
ക്യാമ്പിന്റെ നടത്തിപ്പിന് സംഘാടക സമിതി രൂപവത്കരിച്ചു. യോഗത്തില് സമാജം ജോ. സെക്രട്ടറി എ കണ്ണന് അധ്യക്ഷത വഹിച്ചു. പി.വി രാധാകൃഷ്ണപിള്ള, സെക്രട്ടറി എന്.കെ വീരമണി, സാഹിത്യ വിഭാഗം സെക്രട്ടറി ബിജു എം സതീഷ്, കെ.എസ് സജുകുമാര് എന്നിവര് സംസാരിച്ചു.ഡി. സലിമാണ് സംഘാടക സമിതി കണ്വീനര്. മനോജ് മാത്യു, ശങ്കര് പല്ലൂര്, രാജഗോപാല്, ബാജി ഓടംവേലി, ജോസ് തോമസ്, സത്യന്, ജനാര്ദ്ദനന്, രാധാകൃഷ്ണന് ഓയൂര്, കെ.എസ് സജുകുമാര്, സജി കുടശ്ശനാട് എന്നിവരുടെ നേതൃത്വത്തില് സബ് കമ്മിറ്റികളും രൂപവത്കരിച്ചു.
കൂടുതല് വിവരങ്ങള്ക്ക് ബിജു എം സതീഷ് (0097336045442), ഡി സലിം (0097339125889) എന്നിവരുമായി ബന്ധപ്പെടാം
saahithyacamp@gmail.com
നന്നായി!ക്യാമ്പിന്റെ രെജിസ്ട്രേഷന്റെ കാര്യങ്ങള് കൂടി ബ്ലോഗില് ഇടുമല്ലോ.
ReplyDeleteആര്ക്കൊക്കെ പങ്കെടുക്കാം . എന്നാണ് രെജിസ്ട്രേഷന്റെ അവസാന തീയതി ?
ക്യാമ്പിന്റെ മറ്റു ഒരുക്കങ്ങള്, താമസം, ഭക്ഷണം തുടങ്ങിയ വിവരങ്ങള് ..
വിസ, യാത്ര തുടങ്ങിയ കാര്യങ്ങള് ഒക്കെ ഒന്ന് വിവരിക്കുന്ന ഒരു പോസ്റ്റ് ഇടണേ .
എന്നാണ് രെജിസ്ട്രേഷന്റെ അവസാന തീയതി ?
ReplyDelete15/08/2010
Last date 20-08-2010
ReplyDeleteഗള്ഫ് മേഘലകളിലെ എല്ലാ സാഹിത്യകാരെയും ഉള്ക്കൊള്ളിച്ചുകൊണ്ട് ബഹ്റൈന് കേരളീയ സമാജം നടത്തുന്ന ഈ മഹാ മേളയ്ക്ക് ഹൃദയം നിറഞ്ഞ അഭിവാദ്യങ്ങള്.
ReplyDeleteഗള്ഫ് സാഹിത്യാസ്വാദകരെ സംബന്ധിച്ചിടത്തോളം ഇതൊരു പുതിയ അനുഭവമാണ് ഞങ്ങളെ പോലുള്ള ചെറിയ എഴുത്തുകാര്ക്ക് ഗുണകരമായ പലതും ഇതില് ഉണ്ടെന്നറിയുന്നു, അതുകൊണ്ട് തന്നെ ഇതേക്കുറിച്ചുള്ള വിശദാംശങ്ങള് അറിയുവാന് വളരെയധികം ആകാംഷയുണ്ട്.